शालेय जीवनात अभ्यास करणे हे प्रत्येक विद्यार्थ्याचे नेमून दिलेले कामच असते; पण अनेकदा त्याकडे दुर्लक्ष होते. करू, घाई काय एवढी, असे म्हणत चालढकल केली जाते. काही वेळा, तर आपल्याला सर्व काही येते हा आत्मविश्वासच घाताचे कारण दिसते.
दहावीत चांगले गुण पडले, तरी महाविद्यालयीन अभ्यासात घसरगुंडी होते, असे का होते हे समजावून देत शशिकांत कोनकर यांनी ‘अभ्यास कसा कराल!’ या छोटेखानी पुस्तकातून मोलाचे मार्गदर्शन केले आहे. परीक्षेतील यश बुद्धिमत्ता, मेहनत यावरच अवलंबून नसते, तर त्यासाठी अभ्यासाची पद्धतही महत्त्वाची ठरते.
ती काय आहे, अभ्यासाचे वेळापत्रक, त्याचे फायदे, अभ्यास किती वेळ करावा, विविध विषयांचे उत्तम वाचन कसे करावे, नोट्स कशा काढाव्यात, स्मरणशक्ती कशी वाढवावी, पाठांतर कसे करावे, त्याचे फायदे, परीक्षेची तयारी यांविषयी अगदी सोप्या भाषेत मार्गदर्शन केले आहे. अभ्यासाच्या विविध पद्धती व काही महत्त्वाच्या सूचनाही दिल्या आहेत; तसेच विद्यार्थ्यांनी आहार, प्रकृतीकडे कसे लक्ष द्यावे हेही सांगितले आहे.
प्रकाशक : अनमोल प्रकाशन
पाने : ११७
किंमत : ५० रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)
